Weh Wi Ga Fi Seh: Kriol Wiki

Dis week ahn neks week, wi  di shyaa sohn speshal nyooz wid unu! Bileez Kriol di set op wahn Wikipedia websait. YES! Fu chroo! Ada langwij  don ga op fu dehn langwij pahn Wikipedia, ahn  now di Bileez Kriol langwij di geh set op pahn Wikipedia tu! Soh dis week ahn neks week, wi di shyaa sohn a di way wi di chranslayt di infamayshan. Wi di tel unu di Kriol langsaid dehn Inglish chranslayshan. Dis da wahn gud way fu taak bowt difrant tapik eena Kriol. Da paat a di werk weh di kantinyu fu mek peepl feel seh—ahn noa seh—dat Kriol da wahn langwij fu chroo fu chroo, speshali wen dehn si it pahn "Wikipedia, the free encyclopedia. "Wen nof ting don chranslayt, wi wahn shyaa di web link. Di Nashanal Kriol Kongsl tank Mista Vicente Costalago fu dis aidyaa ahn aal di werk hihn di du!


Sentral Amerika da di sentral, er midl, paat a di Amerikaz, ahn da paat a di kantinent wi kaal Naat Amerika. Ih goh fahn Gwatemaala ahn Bileez eena di naat-wes tu Panama eena di sowt-ees. Da di ayrya a lan weh deh sowt-ees a Meksiko ahn naat-wes a Kolombya. Ih deh bitween di Pasifik Oashan ahn di Kyaribeeyan See.


ENGLISH: Central America is the central geographic region of the Americas and specifically part of the continent known as North America. It goes from Guatemala and Belize in the north-west, to Panama in the south-east. It is the area of land that sits south-east of Mexico and north-west of Colombia. It is between the Pacific Ocean and the Caribbean Sea.


Ert da di terd planet fahn di Son. Da di dens-moas planet eena di Soala Sistim, da di bigis a di foa planet dehn weh ga lan eena di Soala Sistim, plos Ert da di oanli planet weh laif ku deh. Laif da wahn way how baiyoloji taak bowt weh separayt sohnting weh livin fahn sohnting weh ded.


ENGLISH: Earth is the third planet from the Sun, the densest planet in the Solar System, the largest of the Solar System’s four terrestrial planets, and the only astronomical object known to harbor life. Life is a biological concept regarding the characteristic, state, or mode that separates a living thing from dead matter.


Silvaana Udz, Ed.D da fahn Bileez. If yu waahn tel shee bowt sohnting speshal fu put eena dis Kriol aatikl, eemayl: [email protected] Vizit: www.nationalkriolcouncil.org



Brought to you by the:

Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.

The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.

Check back weekly for new articles.