Weh Di Beef Deh?

Weh Yu Need:

 

2 teespoon saal                                                        ½ teespoon blak pepa

1 teespoon gyaalik poada                                        1 teespoon taim er 3 taim leef

½ onks rikaado                                                         1 tayblspoon Lea & Perrins saas

2½ kwaat waata                                                       1 pong a pitayta

1 pong koako                                                            ¼ smaal kyabij

1 meedyom karats                                                   1 meedyom oanyan

1 meedyom sweet pepa                                           3 abanayro pepa 

8 onks makaroani elbo                                             1 teespoon spais seed

1 meedyom tomayto kot eena kwaataz

¼ kop vineega er joos a 1 laim eena 2 kop a waata

 

Bot weh bowt di beef? Hahahaha … Noh figet di beef!

2 pong briskit er eni a yu fayvrit kot beef

 

How fu mek it:

 

Wash meet eena laim er vineega waata. Rens it aaf. Seezn di meet wid di blak pepa, gyaalik poada, taim, rikaado ahn Lee & Perrins saas. Put di meet eena wahn krak pat fi too owaz pahn loa heet. Tes it fi si if ih don, den kot it op eena peesiz ahn put it eena wahn big pat fi bail wid di waata. Dais op aala di vejitablz ahn ad dehn tu di pat, lang wid di hoal abanayro pepa dehn. Den put een di makaroani. Bail evriting til ih saaf. Ad een di spais seed dehn jos bifoa yu ton aaf di soop.

 

Nais nais beef soop … injai it eni day!

 

Silvaana Udz, Ed.D da fahn Bileez. If yu waahn tel shee bowt sohnting speshal fu put eena dis Kriol
aatikl, eemayl: sudz142@gmail.com             Vizit: www.nationalkriolcouncil.org



Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.


Latest Posts

Fyooneral Betsi
Aana Yu Ma
Intafayrin Betsi
Eesta Sondeh 2019
Eesta 2019 di Kohn!
Oapn Paki … Taak tu mi!
Split Beenz Soop da Baas!
See all