Smail... 2018 di Kohn!

Ih op tu yoo fu mek yuself hapi eena 2018! Da chroo. Ting mait hapn weh yu wahn kyaahn kanchroal. Bot memba seh dat di wan ting yu ku kanchroal da how yu ak wen ting hapn. Wi hoap seh dat yu memba dis eena 2018 az evri day kohn ahn goh. Eena wan a wi Disemba aatikl, wi mi wish unu Meri Krismos ahn wi mi shyaa sohn a di ting dehn weh oal-taim Bileez pipl doz laik du rong Krismos taim. Tudeh, wi di wish evribadi wahn blesid ahn hapi 2018. Now, wi shyaa sohn Nyoo Yaaz ting dehn wi ku pramis wiself fu du eena 2018.

How fi Smail Evri Day eena 2018:

  1. Kip haat wen ting noh di goh fu yoo way. How? Ih help if yu kip yu badi eena sohn kaina shayp. Mek 2018 di yaa wen yu wahn eksasaiz moa. Ih noh tek no lata moni. Jos staat waak sohn moa evriday. Klaim dehn step 2-3 taim everi day eena 2018.
  2. Staat evri day eena 2018 di gi tanks tu Faada Gaad, ahn finish evri day di gi tanks tu Faada Gaad.
  3. Kip yu hows kleen, ahn noh ga no lata ting bowt di plays. Ga wahn plays fu evriting. Gi weh dehn lata ting yu noh need ahn weh jos deh bowt di plays di gyada dos. Sohnbadi els ku yooz it.
  4. Werk haad, bot mek shoar yu geh nof res tu: geh nof sleep tu.
  5. Memba seh faamli impoatant. Mek taim fu dehn. Maybi da noh yu blod faamli, bot stay kloas tu gud pipl... kip gud kompni.

Hapi Nyoo Yaa 2018!



Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.


Latest Posts