Nyoo Yaa - Nyoo Yoo: 2021 Deh Ya!

  1. Az yu wayk op eech day, gi tanks tu Faada Gaad.
  2. Noh di kech feelinz fi no lat a lee naansens ting!
  3. If yoo eevn lee bit beta aaf dan yu nayba, help dehn owt if dehn need lee food er sohnting yoo ku help wid.
  4. Memba seh dat famili da wahn blesin. Soh chrai mek pees eena 2021 wid eni famili yu maita beks wid. Jos tink how bad yu uda feel if koroanavairos er sohnting els kech dehn ahn dehn wayk op sik sik bad…er … eevn mait wayk op ded... ahn di laas ting yu ku memba da how yu mi beks op wid dehn.
  5. Noh figet fi tek kyaa a yu helt: Mek 2021 di yaa fi eet helti food ahn eksasaiz lee bit moa dan yu maita don di du!

Noh mata weh hapm dis yaa, memba fi gi tanks tu Faada Gaad. Pahn tap, nof choch ga Maas pahnlain eena dehnya taimz, soh no ekskyooz deh fi noh prayz Gaad. Ahn, yes, tingz maita kantinyu lee bad eena disya 2021, bot soh lang az yu ku reed dis, memba fi stap ahn gi tanks fi weh yu gat, noh mata how lee bit yu gat. Soh, yes, eevn eena disya koroanavairos taim, wi seh Hapi Nyoo Yaa 2021 tu aal a Bileez!


Download PDF


Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.


Latest Posts