Nyoo Yaa 2019... Ih Don Deh Ya!

Yu ku bileev it? Wi nayli don di fos week eena 2019. Laad... taim ku flai fu chroo fu chroo! Yu mi mek yu Nyoo Yaaz pramis? Laik wi mi tel unu laas week, nof pipl mek Nyoo Yaaz pramis tu dehnself. Wi mi shyaa nain (9) a di kaina pramis pipl doz laik mek. Soh tudeh day, wi di chek op pahn yu! Laik wi aalso mi tel unu, wi noa seh dat lata wi (miself tu!) brok wi Nyoo Yaaz pramis dehn bai en a di fos er sekan mont. Laif kohn lang ahn wi geh aal tangl op eena di liv day-tu-day... ahn wi figet!

  1. Yu di memba fi werk owt 3x evri week? Eevn 2x?
  2. Yu stap smoak yet? Hmmm—maybi at lees kot dong?
  3. Yu di plan yu taim beta? No lata di rosh bowt layt?
  4. Yu di memba fi tank Faada Gaad” evriday?
  5. Yu di staat chaynj sohn a yu bad wayz?
  6. Yu di lisn moa ahn noh rosh fi ansa bak?
  7. Yu di kip yu hows kleen? Spred yu bed evri maanin?
  8. Yu di eet moa helti? Moa proateen ahn vejitabl?
  9. Yu di staat evriday wid taim owt fi pray?

Mek 2019 di yaa yu kip yu Nyoo Yaaz pramis–at lees sohn a dehn!



Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.


Latest Posts

Nak Nak … Hoo Dat?
Fyooneral Betsi
Aana Yu Ma
Intafayrin Betsi
See all