Migl a Janiweri Deh Ya… Unu Gud?

Jain di Kriol Kongsl tudeh tudeh:
https://forms.gle/yJnwTSzJjXfUC7Wf6


Tudeh, wi waahn shyaa bowt wi aidentiti—Bileez—di nayhn a wi konchri. Fahn weh wi geh di wod "Belize"?: Weh di werd Bileez kohn frahn noh soh klyaa, bot di fos rekad dehn, deh eena di jernal a di Domineekan prees Fray Jose Delgado, bak eena 1677. Delgado rikaad di nayhn a chree big-taihn riva weh hihn mi kraas wen ih mi-di chravl lang di Kyaribeeyan Koas: Rio Soyte, Rio Xibun, ahn Rio Balis. Da-mi Delgado chranslayta hoo mi tel hihn bowt dehnya nayhn, wich mach op wid di Sitee Riva (Sittee River), Shiboon Riva (Sibun River) ahn Bileez Riva (Belize River). Yu ku nayli seh dat di werd "balis" fahn Delgado da-mi di Maiya wod "belix" (er "beliz"), wich meen "muddy-watered." Adarels pipl moa tink dat di nayhn kohn frahn how di Spanish seh di nayhn a di bokanyaa Peter Wallace, den dehn mi put da nayhn tu di erli setlment da di mowt a di Bileez Riva. No proof noh deh dat da Wallace hoo mi setl eena dis ayrya, ahn sohn pipl weh stodi dehnya hischri seh dis noh chroo, dat da loan stoari dat. Sohn moa stoari deh bowt weh di wod Bileez (Belize) kohn frahn, ahn sohn raitaz ahn hischri pipl seh di wod chrays bak tu sohnting French er Afrikan.



Now chek owt weh Afrikan langwij wan a wi faymos karakta kohn frahn:

[<Afr. Twi 'ananse' spider]



Anansi (var: Anaansi, Hanaasi, Hanansi) n. Anancy; character in Kriol folklore that looks like a spider.
Anansi ahn Bra Taiga da neva reeli fren.
Anansi and Brother Tiger were never really friends. [<Afr. Twi 'ananse' spider]




Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.


Latest Posts