May 24, 2021 Kamanwelth Day

Bileez: Wan a 54 konchri eena di Kamanwelt


May 24 da Kamanwelt day—weh sohn kaal Sovrin Day er eevn Kween Bertday (sins di taim wen da-mi Kween Victoria bertday). Dis da paat a weh wi mi rait fi di Kriol Wikipedia websait wi mi-di werk pan wid Mista Vicente Costalago: Bileez da wahn memba a di Kyaribeeyan Kamyooniti (CARICOM), di Kamyooniti a Latin Amerikan ahn Kyaribeeyan Staytz (CELAC), ahn di Sentral Amerikan Intigrayshan Sistim (SICA). Bileez da di oanli konchri fu bilangz tu aal chree a dehnya aaganizayshan. Pahn tap, Bileez deh eena di Kamanwelt, wid Kween Ilizabet II az di kween ahn hed a stayt. Bot di kween da hed a stayt eena taitl oanli. Di Kween liv da Inglan. Wahn Govna-Jenral reprizent di Kween eena Bileez. Da di minista dehn weh deh eena Kyabinet hoo mek palisi. Dehn advaiz di Govna-Jenral, ahn da di Praim Minista a Bileez hoo hed op di Kyabinet. Di Kamanwelt eena 2021 ga 54 konchri membaship (da-mi 53 wen Maldeevz (Maldives) mi jrap owt, bot ih jain bak een sins 2020). Dehnya konchri deh eena foa paat a di werl: Ayzha (Asia), Yoorop (Europe), Pasifik (Pacific), ahn di Amerikaz (Americas). Biloa da di teerteen konchri dehn a di Amerikaz weh deh eena di Kamanwelt.


EnglishKriol
Antigua and Barbuda Anteega ahn Barbooda
The Bahamas Di Bahaamaz
Barbados Barbaydoz
Belize Bileez
Canada Kyanada
Dominica Dominika
Grenada Grinayda
Guyana Gayaana
Jamaica Jumayka
Saint Kitts and Nevis Saynt Kits ahn Neevis
Saint Lucia Saynt Loosha
Saint Vincent and the Grenadines Saynt Vinsent ahn di Grenadeenz
Trinidad and Tobago Trinidad ahn Tubaygo

Download PDF


Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.


Latest Posts