Harikayn Taim 2020

Yes, unu don noa seh dat harikayn seezn staat op fi 2020: Joon tu Novemba da wen tingz eena di Atlantik Oashan di bobl op ahn bail op. Pahn tap, eena dis 2020 koroanavairos taim, da di laas ting wi waahn tink bowt, speshali sins di weda-pipl seh dat dis 2020 mait aktiv bad! Wi pray seh dat no staam kech wi da Bileez fi dis 2020 Harikayn Seezn. Bot, eevn soh, wi noh fi stap geh redi shud-in-kays wahn harikayn kohn vizit wi. Vizit? Hahahaha! Da no joak, doh! Harikayn ga wahn way fi krash op wi plays, ahn sohntaihn brok op wi plays, di fling bowt aal wi ting dehn—ahn pray nobadi kech dehn ded er wayk op ded.

 

Sins di 1960s, di harikayn dehn ga naym. Eena di Atlantik, wi kaal dehnya "harikayn." Dat da "hurricane" eena Inglish. Eena Ayzha, dehnya big big staam nayhn "taifoon." Eena di Inglish langwij, da "typhoon." Eena ada plays, dehnya big big staam da "saikloan." Eena di Inglish langwij, dis da "cyclone."

 

2020 Atlantik Harikayn Seezn

Arthur
Bertha
Christobal
Dolly
Edouard
Fay
Gonzalo
Aata
Berta
Kris
Dali
Edwad
Fay
Gonzaalo
    Hannah
Isaias
Josephine
Kyle
Laura
Marco
Nana
Hana
Aizaiyas
Josefeen
Kail
Laara
Maako
Nana
    Omar
Paulette
Rene
Sally
Teddy
Vicky
Wilfred
Omar
Paalet
Rene
Sali
Tedi
Viki
Wilfrid

 

Stay sayf, evribadi... pripyaa gud gud-wan!
Pahn tap, noh figet bowt di koroanavairos!

 




Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.


Latest Posts