Fyooneral Betsi

Fi shee mama praimri skool fren sekan kozn ded?

Fyooneral Betsi wahn deh da di fyooneral!

 

Fi shee nayba owtsaid breda bes fren wayk op ded?

Fyooneral Betsi wahn deh da fyooneral, di baal no miks!

 

Eena “Weh Wi Ga Fi Seh” erliya eena May, 2019, wi mi tel unu bowt
“Intafayrin Betsi”: wahn noazi persn, yoozhali uman, di peep chroo winda,
hoo stay di faas eena ada pipl bizniz. Tudeh wi wahn tel unu bowt wahn
neks Betsi! Dis wan da Fyooneral Betsi … yes, yu ges ahn karek … da
sohnbadi weh stay di goh da fyooneral! Fyooneral Betsi nat eevn hafu noa
di ded persn gud wan. Ih jos need wahn lee kanekshan tu di persn: Fi
shee graama sekan kozn ded? Fyooneral Betsi wahn dedhdeh! Fi shee
oal skool fren kozn fren wayk op ded? Fyooneral Betsi wahn dehdeh!  
 

Kriol                                                                 English

baal no miks                                                      crying loudly and for long

fyooneral                                                           funeral

Fyooneral Betsi                                                 a person who is always going to funerals

kaafin                                                                 coffin

kyandl                                                                candle

sanki sankey                                                     (a sacred song/hymn)

wayk op ded                                                      die

 

Fi mee sista da Fyooneral Betsi fi chroo. Shee nat eevn noa di man weh wayk
op ded, bot ih gwain da fyooneral sayka ih noa di fren a di fren a di ded man!

My friend truly likes to attend funerals.  She does not even know the man who is dead, but
she is going to the funeral because she knows a friend of a friend of the dead man!

 

 

Silvaana Udz, Ed.D da fahn Bileez. If yu waahn tel shee bowt sohnting speshal fu put eena dis Kriol
aatikl, eemayl: [email protected]          Vizit: www.nationalkriolcouncil.org



Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.