Fahn British Handooras tu Bileez!

Di Batl a St. Jaajiz Kee:

Di Batl a St. Jaajiz Kee da-mi wahn shaat taim a faitn weh mi gaan aan fahn 3 tu 10 Septemba 1798, aaf di koas a wat da now Bileez. Bot da di laas batl pahn Septemba 10 da wat pipl meen wen dehn taak bowt di Batl a St. Jaajiz Kee. Di Spanish mi don chrai fi jraiv weh di setlaz siks taim bifoa, moas reesent eena 1779. Septemba 10, 1798, mi maak di laas laas taim di Spanish mi chrai fi tek oava di ayrya. Tudeh, di Batl a St. Jaajiz Kee da wahn nashanal poblik ahn bank haliday. Bot wat ih meen fu chroo fu chroo fi salabrayt di Tent a Septemba pen pahn wat da yu tinkin bowt di batl. Hoap yu big op di Tent a Septemba!

 

Inglan... self govament... Indipendans:

Inglan mi fos sen wahn govament man tu Bileez eena di layt 17t senchri. Bot da noh sotay 1840 dat dis ayrya mi geh di faamal naym az di “Colony of British Honduras.” Ih mi bikom wahn krong kalani eena 1862. Afta dat, sohn chaynj mi mek tu di kanstitooshan fi gi di pipl moa say eena di govament. Inglan mi den grant ful self-govament eena di kalani ihself anda wahn minischri sistim eena Janiweri 1964. Di ofishal naym a dis teritori mi chaynj fahn British Honduras tu Belize (da “Bileez” eena Kriol) eena Joon 1973, ahn Inglan grant wi ful indipendans pahn 21 Septemba, 1981.

 

Hapi , Bileez!

 



Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.


Latest Posts

Koroanavairos #6
Koroanavairos #5
Koroanavairos #4
Ah Memba Wen - Paat 3
Ah Memba Wen - Paat 2
Ah Memba Wen - Paat 1
Koroanavairos #3
Koroanavairos #2
See all