Memba seh: Jeezas mi ded, beri, ahn rayz fahn di ded fi sayv wi. Mek wi aal
fain pees dis Eesta. An, if enibadi ful a saroz dis Eesta sayka dehn faamli er
fren don gaahn lang tu Faada Gaad , fain pees eena dehnya werd fahn di
Hoali Baibl:
Wi bradaz ahn sistaz, wi waahn unu fi noa di chroot bowt di bileeva
dehn weh don ded, soh dat unu noh wahn sad laik how dehn ada peepl
sad, bikaaz dehn noh ga no hoap eena Gaad. Wee bileev seh dat Jeezas
mi ded ahn dat ih rayz op bak fahn di ded. Ahn wee bileev sayhn way
dat Gaad wahn sen bak wid Jeezas aala dehn wan weh mi ded ahn weh
mi put dehn fayt eena Jeezas. (1 Tesaloanyanz 13-14)
“Our Father” eena Kriol:
Gaad wi Faada weh deh op da hevn,
mek wi kip yu naym hoali.
Kohn kohn set op yu kingdom,
ahn mek evribadi pahn ert obay yu
jos laik how evribadi obay yu da hevn.
Pleez gi wi di food weh wi need fi tudeh,
ahn fagiv wi fi aal a di rang ting dehn weh wi du,
jos laik how wee fagiv dehn wan weh du wi ting.
Kip wi weh fahn temtayshan,
ahn sayv wi fahn da eevl wan.
Ai ga fi mee hoap ahn kanfidens eena Gaad jos laik dehn man {ahn
uman} ya dat wan day Gaad wahn rayz op di raichos ahn di wikid.
(Aks: 24:15)
Silvaana Udz, Ed.D da fahn Bileez. If yu waahn tel shee bowt sohnting speshal fu put eena dis Kriol
aatikl, eemayl: [email protected] Vizit: www.nationalkriolcouncil.org