Di 2022 Harikayn Atlantik Seezn

Geh redi. Memba seh dat harikayn seezn da Joon tu Novemba. Bai now, en a May, yu don fi mi-di pripyaa gud gud-wan. Pahn tap, noh figet bowt di koroanavairos eevn if yu don geh yu vaksinayshan! Disya vairos di nak bowt agen, soh lisn tu weh di Minischri a Helt seh fi du, ahn tek gud gud kayr a yuself, yu famili, ahn yu faamli.



Wi don noa seh dat Joon tu Novemba da da wen di chrapikal wayv dehn start op aaf a di koas a Afrika, ahn staat chravl kraas di Atlantik. Atlantik Oashan di bobl ahn bail. Pahn tap, di koroanavairos stil noh don wid wi eena 2022. Yes, datira vairos mait noh soh soh bad now, now dat vakseen deh tu. Bot noh tek yu yaiy aaf a it! Pahn tap, wi pray seh dat no staam kong kong kech wi da Bileez fi dis 2022 Harikayn Seezn. Ahn memba, wi fi geh redi shud-in-kays wahn harikayn kohn vizit wi. Harikayn ga wahn way fi krash op wi plays, ahn sohntaihn brok op wi plays, di fling bowt aal wi ting dehn—wi shoar noh waahn no harikayn kong kong vizit wi. Dat, langsaid di vairos stil di nak bowt, uda noh gud ataal! Dehnya da di nayhn dehn fi di 2022 Atlantik harikayn seezn:



2022 Atlantik Harikayn Seezn

Alex(Alex) Hermine(Hermeen) Owen(Oawen)
Bonnie(Boni) Ian(Ihyan) Paula(Paala)
Colin(Kalin) Julia(Joolya) Richard(Richad)
Daniel(Danyel) Karl(Kaal) Sharly(Shaali)
Earl(Erl) Lisa(Leesa) Tobias(Tobaiyas)
Fiona(Fiyoana) Martin(Maatin) Virginie(Virgini)
Gaston(Gaston) Nicole(Nikoal) Walter(Walta)



Download PDF


Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.


Latest Posts