Bileez ahn di Kamanwelt

Az paat a wi divelopment a wahn Kriol Wiki meedya websait, wi mi chranslayt sohnting
weh taak bowt Bileez eena di Kamanwelt. Az May 24 da Kamanwelt day, wi put it ya now:
Wen yu tink bowt Bileez, yu tink bowt it laik Sentral Amerikan plos Kyaribeeyan. Ih ga schrang
kanekshan wid di too reejan dehn. Bileez da wahn memba a di Kyaribeeyan Kamyooniti
(CARICOM), di Kamyooniti a Latin Amerikan ahn Kyaribeeyan Staytz (CELAC), ahn di
Sentral Amerikan Intigrayshan Sistim (SICA). Bileez da di oanli konchri fu bilangz tu aal chree
a dehnya aaganizayshan. Pahn tap, Bileez deh eena di Kamanwelt, wid Kween Ilizabet II az di
kween ahn hed a stayt. Bot di kween da hed a stayt eena taitl oanli, Kween a Bileez. Di Kween
liv da Inglan. Wahn Govna-Jenral reprizent di Kween eena Bileez. Di palisi maykaz da di
minista dehn weh deh eena Kyabinet. Dehn advaiz di Govna-Jenral  ahn da di Praim Minista a
Bileez, hoo hed op di Kyabinet. Di Kamanwelt tudeh ga 53 konchri eena ih membaship. 
Dehnya konchri deh eena foa paat a di werl: 

 

Kriol:        Ayzha        Yoorop       Pasifik       Amerikaz

English:    Asia        Europe         Pacific       Americas

 

 Di 13 konchri dehn a di Amerikaz eena di Kamanwelt

 

English                                                             Kriol

Antigua and Barbuda                                      Anteega ahn Barbooda

The Bahamas                                                   Di Bahaamaz

Barbados                                                          Barbaydoz

Belize                                                                Bileez

Canada                                                             Kyanada

Dominica                                                          Dominika

Grenada                                                           Grinayda

Guyana                                                             Gayaana

Jamaica                                                             Jumayka

Saint Kitts and Nevis                                       Saynt Kits ahn Neevis

Saint Lucia                                                        Saynt Loosha

Saint Vincent and the Grenadines                 Saynt Vinsent ahn di Grenadeenz

Trinidad and Tobago                                       Trinidad ahn Tubaygo

 

 

Silvaana Udz, Ed.D da fahn Bileez. If yu waahn tel shee bowt sohnting speshal fu put eena dis Kriol
aatikl, eemayl: [email protected]          Vizit: www.nationalkriolcouncil.org



Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.


Latest Posts