Ah Memba Wen - Paat 1

Ah memba wen "Corona" da-mi da nais byaa fahn Meksiko weh yu jrink wit wahn lee pees a laim.
Ahn wen Ah doz hyaa "virus,"  Ah yoostu tink bowt mi kompoota, if mi Norton er Bitdefender anti-vairos mi dehn tu taim!


Ah memba wen "flatten di curve" doz rifer tu mee di chrai rijoos mi beli saiz, soh dat Ah ku si di kerv a fi mee ways!
Ah memba wen "di surge di come" yoostu rifer tu di taidal staam serj (noh main ih stil meen dat wans Joon harikayn seazn kohn rong!).


Ah memba wen di oanli "peak" mee mi noa bowt da-mi "Victoria Peak"; now, wi aal di wayt fi dis vairos reech ih peek!


Ah memba wen "lockdown" doz rifer tu badman eena jayl.
Now eevn Poas Aafis lakdong, ahn nobadi waahn toch di mayl.
Ah memba wen mi nayba doz len mi wahn han, how graytful Ah doz bi. Now, Ah noh waahn ih toch mi han!


Ah memba wen Ah yoostu mek wreet fahn tailit paypa; now Ah dayr noh ways eevn wan singl pees!


Ah memba wen "lockdown" doz rifer tu badman eena jayl.
Now eevn Poas Aafis lakdong, ahn nobadi waahn toch di mayl.
Ah memba wen mi nayba doz len mi wahn han, how graytful Ah doz bi. Now, Ah noh waahn ih toch mi han!
(bai Silvaana Udz)


Stay sayf, evribadi! Neks week da Paat 2" Ah Memba Wen!



Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.