Pahn Madaz Day, wi tek taim fi chreet wi ma speshal. Wi noa seh dat aal
yaa rong, wi bizniz fi chreet mama speshal. Bot pahn May 10 (er di
Sondeh kloasis tu May 10), wi salibrayt wi mama wid Madaz Day. Maybi
wi kuk fi mama, maybi wi tek mama owt fi eet, maybi wi bai mama wahn
nais nais bonch a roaziz er ada flowaz, er wahn nais nais prezent. Wateva
wi du, wi chrai shoa mama, pahn dis day set asaid fi aana wi ma—ahn wi
graama tu—how moch wi lov dehn.
Kriol English
aana honor
flowaz flowers
graama; grani grandmother
lov love
lov op show a lot of love
lov tu di nohmoh nohmoh love very, very much (to the max)
ma, mama, mami, maami mother, mommy, ma, mama
Madaz Day Mother’s Day
salibrayt; selibrayt celebrate
Dis Madaz Day, Ah wahn kuk op lata nais ting fi mi ma, sayka how
da shee baan mi. Pahn tap, Ah lov ahn tu di nohmoh nohmoh.
This Mother’ Day, I will cook lots of nice things (different kinds of delicious food) for
my mother because she gave me birth. Moreover, I love her so very much.
Silvaana Udz, Ed.D da fahn Bileez. If yu waahn tel shee bowt sohnting speshal fu put eena dis Kriol
aatikl, eemayl: [email protected] Vizit: www.nationalkriolcouncil.org