Aachraitis... Jaint Payn!

Wi mi tel unu bowt 2 aatikl abak bowt wahn Kriol Speling Bee. Dat mi oanli gud gud gud! Bes ting, di styoodent dehn mi yooz di Kriol dikshineri ahn gi lee Kriol spelin lesn akaadn tu di dikshineri roolz. Soh, wan a di wod dehn evribadi mi laik da “aachraitis.” Yu noa, wen yu ga jaint payn, ahn sohntaim da noh jos jaint payn—ih ku bi aachraitis, wichin dis meen da lat a jaint payn aal di taim! Soh, bowt aachraitis, Ah mi-di aks mi fren di ada day weh shee du wen shee ga jaint payn, weda er nat da seeryos aachraitis. Biloa da sohn a fi shee remidi dehn fi kyoar jaint payn:

  1. Rob op wid viks (Vicks) er wid ada baam weh bon lee bit (weh ga sohnting laik yookaliptos eena it).
  2. Sata eena wahn waam waata baat da maanin fi rilaks op yu jaint dehn bifoa yu day staat gud.
  3. If wahn jaint staat payn yu joorin di day, put koal klaat pahn di jaint paat weh di payn. Ais it dong!
  4. Rob op wid alkahol (noh rom er wiski—medisn alkahol, di green er di wait wan).
  5. Put weed stik eena alkahol ahn rob dong wid it (bot memba seh dat weed noh leegal, soh tek kyar if yu chrai dis kyoar!).
  6. Chrai looz sohn wayt if yu lee big. Les wayt put les presha pan yu jaint dehn. Plos, eksasaiz moa.


Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.


Latest Posts