Wel, Septemba 10, 2018 don gaahn lang. Kaanival 2018 don gaahn lang.
Bot ges wat? Wi deh ya now di luk fi welkom Indipendans Day, Septemba 21, 2018.
Yu ku imajin? Da don 37 yaaz sins Bileez brok weh fahn Inglan. Yes, da mi eena
1981 wen Bileez geh ih indipendans. Soh tideh, wi di shyaa sohn wod weh hafu
du wid di salabrayt dis:
Kriol English
brok weh left; break away; be free from
Indipendans Day/Indipendens Day Independence Day
freedom freedom
jres op dress up
jres op no pus bak fut dress up in one’s best (an idiom)
jronk drunk
kaanival carnival
nais op a good feeling from drinking liquor
pumpum very short shorts
salabrayt/ selibrayt celebrate
Kriol sentens wid “jres op”
Mi lee gyal dehdeh aal jres op no pus bak fut eena ih Septemba dandan, ahn dehn
kohn pik ahn op da mi hows eena wahn oal pemperem!
English translation:
My little girl was all dressed up in her nicest September clothes, and they came to
pick her up at my house in a junky old car!
Enjai disya Septemba 2018 evribadi…Enjai ahn stay sayf.
Silvaana Udz, Ed.D da fahn Bileez. If yu waahn tel shee bowt sohnting speshal fu put eena dis Kriol
aatikl, eemayl: [email protected] Vizit: www.nationalkriolcouncil.org