Wahn Chek Pahn di Kriol “a” ahn “aa”

Dis week, wi di chek op pahn yu Kriol spelin, bot jos bowt too a di lang vowilz song: di lang “a” (ay) ahn di dobl shaat “aa” song. Bowt wan yaa abak, wi mi shyaa dehnya roolz wid unu. Memba, di Kriol aa da wahn song weh Inglish noh yooz, eksep eena wan er too wod, laik “aardvark” weh kohn fahn Afrikaans langwij eniway! Eena Kriol, dis aa song kaman kaman (da laik wahn lang dreg pahn di shaat “a” song… it is like a long dragging sound of the short “a”). So…mek wi si if unu memba bowt di /ay/ song ahn bowt di /aa/ song ahn how fu yz dehn.

Noatis seh dat eena “drain” di “dr” fahn Inglish da “jr” eena Kriol. Plos neks ting fu noatis: eena “baby” ahn “crazy” di “y” da di en eena Inglish bikom “i” eena Kriol. Dehnya da too kansanant roolz weh difrant fahn Inglish ahn weh wi wahn taak bowt eena wahn neks aatikl wahn neks taim.

Noatis seh dat “waahn” weh da “want” difrant frahn “wahn.” Wahn” meen “one” or “a” plos da wahn shaata song dan “waahn.”

Silvaana Udz, Ed.D da wan a di peepl weh di risaach bowt wi priti priti Kriol langwij. If yu waahn shyaa bowt di Kriol langwij, eemayl: [email protected] or Vizit: www.nationalkriolcouncil.org