Wid disya koroanavairos di rayz op ih delta hed dehnya dayz, wi kyaahn gyada wid wi fren ahn kompni. No sah... wi aal hafu bokl dong ahn fait dis waar pahn di vairos. So di ada day, mi faamli mi jos hafu stap bai fi pik op wahn too playt a schoo pigtayl. Az mi sista gentlman seh, fi mee schoo pigtayl da di bes hihn eva tays... ahn dat da bikaazm hihn noa bowt dehn deh-aan schoo pigtayl fahn Boom ayrya! Soh, az mi sista gentlman mi-di waak weh wid ih big dish a schoo pigtayl (spred owt pahn Perez fahn Laydivil dukunu), ih seh:
"Wel, maku, Wi gaahn lang now. Ah wahn sen bak yu dish dehn. Yu sista seh ih wahn lef yu dish dehn da yu ma." Wel, mee bos owt a laaf.
"No wori, mi faamli. Da fahn mi ma Ah mi bak weh datideh dish eniway! Enjai di school pigtail. Ah gi unu nof-wan fi ga fi tee, dina, tee." Wel, fi mee schoo pigtayl soh nais nis nais (fu chroo!) dat mi faamli ton ron da gayt ahn laaf, di tel mi seh: "Laad, gyal, fi yoo schoo pigtayl set mi gud gud. In fak, ih wahn mek mi waahn jos chroa dong ahn sata afta Ah nyam op!
"Az lang az yu noh ton kwabna pahn mi," Ah laaf bak ahn tel ahn.
Kwabna 1: Ih meenz laik "maku" ahn Mista Marlon Kuylen, di pibil man tel wi bowt "kwabna" ahn gi wi dis sampl sentens:
Too yaaz abak wi mi-di paati. Bot sayka yoo kudn wayk op fi meet fi brekfas, yoo da-mi "kwabna."
Kwabna 2: Mista Maalon chek bak wid ih ma bowt dis wod
"kwabna" (wichin mee neva did noa dis Kriol wod). Ih ma, hoo da fahn di Sowt, seh shee aalso noa "kwabna" fi meenz
"wahn persn hoo kehri di slap bokit."
If unu noa dis Kriol wod "kwabna" pleez eemayl wi (eemayl ajres eena di baks da batam ya) wid fi unu sampl sentens. Tenk yu!