Ah waahn noa hoo seh Kriol noh ga no kolcha!....Kolchaaaaaaa
(Koaros #1)
Ah waahn noa hoo seh Kriol noh ga no kolcha. Ah waahn noa hoo seh Kriol noh ga no praid. Ahn wen dehn mi bring wi aal di way fahn sowtwes Afrika Ahn dehn lan wee pahn dis Karibyan shoa.
(Koaros #2)
Dehn mi bring di Nango; di Kongoz ahn di Zulu Dehn eevn bring di Ibo; Ashantiz ahn Mandingo
Ah waahn noa hoo seh Kriol noh ga no historee [hischri] Ah waahn noa hoo seh Kriol noh gat aidentiti Tweni-fifteen tu tweni-milyan sowtwes Afrikan Mi gaan dong eena slayv payj historee Dehn mi bring di Nango; di Kongos ahn di Zulu Dehn eevn bring di Ibo; Ashantiz ahn Mandingo
(Ripeet Koaros #1 and #2)
Ah waahn noa hoo seh Kriol noh ga no langwij! Ah waahn noa da hoo di chrai geh mee diskorij! Wen di slayv maasta mi ga di hyooman slayv eena bondij Dis hoal ting mi en op eena marij.
(Ripeet Koaros #1 and #2)
(Ripeet Koaros #2)
Di grayt Leela Vernon mi mek dis sang fu mek aal a Bileez lov Kriol kolcha! Leela fyooneral da-mi Maach 2 … Res wid Faada Gaad, Leela. Nof rispek!
Leela Vernon: Aktoaba 24, 1950 – Febiweri 19, 2017
Silvaana Udz, Ed.D da fahn Bileez. If yu waahn tel shee bowt sohnting speshal fu put eena dis Kriol aatikl, eemayl: [email protected] or Vizit: www.nationalkriolcouncil.org