Harikayn Weda Noh Don Yet!

Soh... Aktoaba di goh lang, ahn wi don si lata harikayn disya seezn. Staytz pipl ahn Sentral Amerikan pipl and eevn Aysha pipl geh lik bad soh far (eena Aysha deh kaal harikayn [hurricane] "taifoon [typhoon]" er "saikloan [cyclone]"). Bileez, tank gudnis, noh geh lik dis seezn — yet — ahn wi hoap wi noh fi geh lik! In fak, mee di wori rait now di sen een disya aatikl eena migl a Aktoaba bifoa ih fu geh poblish en a Aktoaba. Neks ting yu noa, chrapikal dipreshan kohn bowt, ton intu chrapikal staam... den hairkayn! Pray nat! Memba seh dat da sotay en a Novemba dat harikayn seezn don fu chroo fu chroo! Soh, memba dehnya tip fu geh redi shud-in-kays harikayn kohn. Dehyna da oanli sohn a di ting dehn fu du... chek owt NEMO fu noa moa:

  1. Lisn tu ofishal ripoat fahn NEMO.
  2. Noh stodi weh Taam, Dik, ahn Hari di seh. Lisn tu NEMO.
  3. Ga wahn plan: Noa weh yu wahn goh if yu hafu moav. If yu di goh da shelta, noa weh yu harikayn shelta deh.
  4. Ga yu provizhan redi, nof waata ahn kyan ting ahn medisin (if yu need speshal medisin) fu laas laik chree dayz.
  5. If yu ga daag er kyat er ada pet, noa weh yu wahn du wid dehn: Memba yu kyaahn tek dehn da shelta.

Stay sayf... Geh redi fu wahn harikayn erli... bifoa ih kohn!



Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.


Latest Posts