Govament ahn palitiks: Bileez govament da wahn sistim bays pahn Britn sistim. Wi kaal dis eena Inglish wahn “parliamentary constitutional monarchy” wich meenz seh dat di leegal sistim ahn di Hows a Reprezentativz tek aafa how dehn aparayt eena Inglan. Kween Ilizabeth II da di hed a stayt, bot eena naym oanli—di Kween ga di taitl Kween a Bileez. Di Kween liv da Inglan. Wahn Govna-Jenral reprizent di Kween eena Bileez. Di palisi maykaz da di minista dehn weh deh eena Kyabinet. Dehn advaiz di Govna-Jenral, ahn da di Praim Minista a Bileez hoo hed op di Kyabinet. Di Kyabinet ministaz kohn owta di politikal paati weh ga di majority eena di Hows a Reprezentativz. Ih yoozhal dat dehnya Kyabinet ministaz kohn frahn hoo di peepl mi ilek ahn dehn pozishan eena Kyabinet mach op wid dis.
Government and politics: Belize is a parliamentary constitutional monarchy. The structure of government is based on the British parliamentary system, and the legal system is modelled on the common law of England. The symbolic head of state is Queen Elizabeth II, who holds the title Queen of Belize. The Queen resides in the United Kingdom, and is represented in Belize by the Governor-General. Executive authority is exercised by the cabinet, which advises the Governor-General and is led by the Prime Minister of Belize, who is head of government. Cabinet ministers are members of the majority political party in parliament and usually hold elected seats within it concurrent with their cabinet positions.
Tudeh, wi shyaa moa a di infamayshan wi di put op pahn di Bileez Kriol Wikimedia websait. Da Mista Vicente Costalago di help wi du dis, ahn wi tank hihn. Memba seh: Yu ku chek owt how di websait di kohn lang. Jos goh da:
https://incubator.wikimedia.org/wiki/Wp/bzj/Bileez
NOATIS:
“The structure of government is based on the British parliamentary system, and the legal system is modelled on the common law of England."
Di leegal sistim ahn di Hows a Reprezentativz tek aafa how dehn aparayt eena Inglan.
Silvaana Udz, Ed.D da fahn Bileez. If yu waahn tel shee bowt sohnting speshal fu put eena dis Kriol aatikl, eemayl: [email protected] or vizit: www.nationalkriolcouncil.org