Faam Laif: Mek Wi Plaant Moa!

 

Di en a Aypril, fahn di 28 tu di 30, da-mi di Agrikolcha Shoa da Belmopan. Eena wi laas aatikl, wi mi shyaa sohn a wi agrikolcha werd dehn wid unu, ahn wi mi big op wi faama dehn weh mi win Faama a di Yaa praiz. Tudeh, wi rimain evribadi seh dat faam laif da gud gud laif. Yes, it maita ga lata schres ahn ting, laik wen sichros prais deh dong, er di weda noh gud, er sohn plaant siknis tek weh di prafit fahn wahn haavis…bot, weh wi wuda deh widowtn wi faama dehn? Weh wi lee Bileez uda deh? Bileez ikonomi bays pahn too big big ting: Agrikolcha ahn Toorizm … soh, tudeh day, wi di kantinyu fi big op wi faama dehn. Fu mee pa da-mi faama tu! Plos hihn mi aalwayz doz seh dat jos di wach di faam, di priti priti chree dehn, di sonraiz ahn di sonset—dat oanli gud gud fi di soal. Da dat mi pa mi-di taak bowt eena disya picha a fu hihn faam. Mi pa don gaahn lang tu Faada Gaad—da 10 yaaz nayli sins hihn gaahn gaan tu da big big faam op eena di skai. Bot fu hihn werd dehn liv aan eena mi haat, ahn agrikolcha liv aan eena Bileez! Plaant sohnting

 

Silvaana Udz, Ed.D da fahn Bileez. If yu waahn tel shee bowt sohnting speshal fu put eena dis Kriol aatikl, eemayl: [email protected] or vizit: www.nationalkriolcouncil.org

 



Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.


Latest Posts