Chranslayt Fahn Inglish tu Kriol:

Foakos Pahn Weh Yu Meen Fi Seh!

Dehnya tips da fi tel Kriol speekaz wahn gud way fi help dehn wen dehn waahn
chranslayt fahn Inglish tu Kriol. Wi tel unu bowt di moas impoatant ting wen yu
don noa Inglish ahn rait eena Inglish, BOT yu taak Kriol ahn soh now yu di
chranslayt fahn Inglish tu Kriiol: 

 Try and think how a Kriol speaker would actually /use the expression/word.
Examples:
 

(a)    stubborn > ayz-haad” or some say “haad-ayz” or “haad-hedid”
(b)    aluminum foil > silva fail
(c)    “They pretended to forget” … Instead of literally saying “Dehn mi
          priten…” consider: “Dehn play laik dehn mi figet…”
(d)    “a mild breeze”…Instead of literally saying “wahn mail breez…”
          consider: “wahn lee breez”
(e)     “He gives the girl a little peck on her cheek”……consider: “Ih gi di gyal
           wahn lee chups pahn ih cheek.” 
(f)    “We haven’t done that for a long time.” …..”Wi noh du dat gud wail
          now.”
(g)    ”I understand perfectly.” ….”Mee andastan gud gud-wan.”
(h)    “The following morning…” ….”Neks day maanin….”
(i)    “..the sheer genius of the Maya”…”..di tap-a-tap smaatnis a di Maya”
(j)    “…her entire body was burning with fatigue”…”ih hoal badi mi-di bon
        ah bad sayka ih mi soh nak owt” 
(k)    “But as fate would have it,…”…”Bot, bamsideh,…”
(l)    “The man would become steaming mad”…”Di man uda geh veks no
         raas.”

Silvaana Udz, Ed.D da fahn Bileez. If yu waahn tel shee bowt sohnting speshal fu put eena dis Kriol
aatikl, eemayl: [email protected]          Vizit: www.nationalkriolcouncil.org