Bileez ahn di Kyaribeeyan eena Taiwan pahn Freedom Day!

Fraideh, Joolai 31, 2020: Fi bring een Aagas 1 wich da Imansipayshan Day (Freedom Day) eena moas a di Kyaribeeyan, di Embasi a Bileez eena Taiwan jain op wid 4 Kyaribeeyan konchri fi salibrayt freedom fahn slayvri. Da-mi Bileez, Hayti, Sayn Kitz ahn Neevis, Sayn Loosha, ahn Sayn Vinsint ahn di Grenadeenz. Sohn Bileez styoodent eena Taiwan mi prifaam di faymos "Drums of my Father" weh Bileezyan Roy Cayetano mi rait. Dehn aalso play pahn jromz ahn steelban ahn sing "Buffalo Soldier" bai di faymos Bob Marley! Plos da neva jos jalifikayshan! Evri konchri du prezentayshan bowt freedom fahn slayvri. Ambasada Diane Haylock reprizent Bileez gud gud-wan eena dis "Celebrating Our Caribbean People's Journey to Freedom." Evribadi deh geh fi noa moa bowt wi hischri. Da-mi moasli wahn gyadarin fi diplomatik peepl, bot di faiv amabasada dehn mi aaganaiz sohn a dehn styoodent fi prizent eena jraama, poayem, ahn sang bowt weh freedom fahn slayvri meen tu aal a wi.

 

Eena di picha: Lef u Rait: Tsehay Eck, Tunghai Univ. (wahn bigin Septemba, di laan Chaineez now); Melody Wagner, Taipei Ntl. Univ. of Arts (shee mi prifaam Roy Cayetano poayem "Drums of My Father"); Davrald Webbe, Pingtung Science & Tech (hihn da fahn Sayn Kitz, pahn di jromz, tek di plays a Bileezyan styoodent Philip Codd hoo kudn kohn op laas minit fahn Tainan, sowt Taiwan); H.E. Diane Haylock, Bileez Ambasada tu Taiwan (shee aaganaiz di Bileez team gud gud); Delmi Cornelio, Ntl. Taiwan Normal Univ. (shee mi sing Bob Marley "Buffalo Soldier" ahn da shee tek dis priti priti picha!)


Bileez ahn di Kyaribeeyan eena Taiwan pahn Freedom Day!

 



Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.


Latest Posts