Wi dehn pahn wahn roal wid di chranslayshan dehn wi di du wid Mista Vicente Costalago fu di Bileez Kriol Wikimedia websait. Di websait dehn eena tes stayj rait now az wi di chek ahn kraaschek wi difrant chranslayshan ahn how wi seh di Kriol. Memba, wen yu chranslayt fahn wan langwij tu anada, da noh aalwayz di dairek dairek way. Laik eena Spanish, da “la salida del sol” bot di Inglish a dat da noh “the getting out/coming out of the sun.” Di Inglish da “sunrise.” Soh now, geh redi fu mek yu baaba jrap wid dis lee pees bowt Bileez food!
Bileez food wahn mek yu baaba jrap!
Di food a Bileez da wan big pulaali mek fahn aal di kolcha dehn eena Bileez ahn di food eech groop eet. Yu ku tink a Bileez food sayhn way laik Meksikan/Senchral Amerikan food ahn laik Jumaykan/Inglish-Kyaribeeyan food.
Belizean cuisine is an amalgamation of all ethnicities in the nation, and their respectively wide variety of foods. It might best be described as both similar to Mexican/Central American cuisine and Jamaican/Anglo-Caribbean cuisine.
Yu di mek mi baaba jrap.
You have me dribbling (with the excitement of eating nice food).
baaba (v) = dribble, drool
Di baybi di baaba, soh wi put aan di bib.
The baby is dribbling, so we put on the bib.
baaba (n)= dribble, drool, saliva
Di baybi wet op wid baaba sayka weh ih di kot teet.
The baby is wet with drool because he/she is cutting teeth.
Silvaana Udz, Ed.D da fahn Bileez. If yu waahn tel shee bowt sohnting speshal fu put eena dis Kriol aatikl, eemayl: [email protected] or vizit: www.nationalkriolcouncil.org