2023... Weh Yu di Bring?

Hapi 2023 agen tu evribadi! Wi en di fos week eena 2023 wid dis wish fi aal a unu... ahn fi miself tu: Geh rid a di ting dehn weh di klota op yu laif. Eena wahn paas aatikl, wi mi shyaa sohn a di ting dehn wi ku aal du fu mek wi laif hapi eena 2023. Dehnya da-mi ting laik: (1) Noh beks wid nobadi (2) Eksasaiz moa (3) Gi tanks tu Faada Gaad evriday (4) Kip yu hows kleen (5) Werk haad but geh nof res tu, ahn (6) Spen moa taihn wid yu faamli.

Pahn tap, chek owt dehnya advais weh Ah waahn shyaa wid unu fu mek laif eevn beta eena 2023:


  • Pich weh er gi weh dehn lat a ting dehn weh jos deh bowt di plays. Tink bowt it: Yu reeli need soh moch difrant shooz wen da oanli 3 er 4 a dehn yu reeli laik yooz moas a di taihn
  • Noh stay rong pipl weh mek yu di krai op er feel beks op er feel freti freti. Wi meen yu shuda moov yuself frahn dehn. If yu don taiyad a di chrai fu deel wid dehn, bot it jos noh di werk owt, moov aan! Chrai az bes yu tink yu ku chrai, bot moov aan if yu need fi ga pees a main! Ih mait noh soh eezi fi du, bot chrai.
  • Prablem wahn hapn. Haadship kohn lang sayhn way hapinis kohn lang. Di ting fi du da fi ga wahn beta way fu deel wid haadship. Tink a haadship az wahn way fu laan, soh dat neks taihn wen wahn neks haadship kohn lang, yu handl it beta.


Tek it lait! Ahn memba dehnya ting eena 2023! Wi wish gud helt tu aal.


Download PDF


Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.


Latest Posts