2019 Bileez Taiwan Embasi ahn Styoodent Dehn fi Indipendans!

Dis paas Satideh da-mi . Evri yaa, di Bileez Embasi eena Taiwan ga nais bashment fi di Bileezyan styoodent dehn weh di stodi eena Taiwan, ahn eni Bileezyan weh di werk eena Taiwan hoo deh pahn dehn rejista. Wi mi aal geh fi nyam op rais ahn beenz ahn potayto salad wid chikin ahn fish az wi mi-di salibrayt Bileez 10t ahn 21s Septemba! Ambasada Diane Haylock staat op di welkom evribadi. Neks, az da now chradishan wid Ambasada Haylock, evribadi tek paat eena di maach rong di room wid Bileez flag ahn myoozik! Den nof nof nais food ahn Bileez myoozik ahn sohn gaym wid praiz! Dis yaa, di hed styoodent groop mi put aan wahn gud gud Kriol Speling Bee! Dehn m yooz di Kriol diskshineri! Yaaaaaaaaa! Tank yu, Ambasada Haylock ahn Ms. Ivy Lu, Eksek. Sekriteri, ahn evribadi els da di Embasi a Bileez eena Taiwan fi di 2019 salibrayshan!

 

Feliciana Vernon, maasta digree styoodent da Ntl Chengkung yooniversiti eena Tainan, Taiwan
Feliciana Vernon, maasta digree styoodent da Ntl Chengkung yooniversiti eena Tainan, Taiwan
L-R: Marlina Eck ahn Ginelky Gongora, fos yaa bachala degree da Ming Chuan yooniversiti eena Taipei, Taiwan
L-R: Marlina Eck ahn Ginelky Gongora, fos yaa bachala degree da Ming Chuan yooniversiti eena Taipei, Taiwan
Philip Codd, laas yaa eena bachala degree da Ntl Chengkung yooniversiti eena Tainan, Taiwan
Philip Codd, laas yaa eena bachala degree da Ntl Chengkung yooniversiti eena Tainan, Taiwan
H.E. Ambasada Diane Haylock
H.E. Ambasada Diane Haylock

 

 

Silvaana Udz, Ed.D da fahn Bileez, di risaach ahn teech eena Taiwan rait now. If yu waahn tel shee bowt sohnting fi dis Kriol aatikl, eemayl: sudz142@gmail.com. Vizit: www.nationalkriolcouncil.org

 



Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.


Latest Posts