15 Moa Dayz fi Sen Een!

Fi di paas too week dehn, wi mi-di shyaa bowt how yoo ku enta fi win praiz eena di Kamanwelt shaat stoari 2022 praiz kantes. Dis yaa speshal, sayka yu ku now enta yu stoari eena Kriol fi di Kamanwelt Shaat Stoari Praiz fi 2022. Enibadi fahn di faiv Kamanwelt reejan dehn ku sen een wahn enchri.

Yu ku fain owt aal di infamayshan ahn si di roolz ahn how fi submit yu shaat stoari. Eni a di Kriol langwij dehn fahn di Kamanwelt ku win di praiz fi 2022. Dehn aalso aksep Inglish stoari tu ahn stoari eena sohn ada langwij. Dis da di websait fi fain owt moa ahn how fi sen een yu stoari:

Di dedlain fi sen yu shaat stoari da Novemba 1, 2021. Memba:

  • Yu stoari mos ga at lees 2,000 wod, bot ih ku ga op to 5,000 wod.
  • Ih free fi enta, az lang az yu 18 yaaz er oava.
  • Pahn tap, yu stoari mos bee fikshan, adolt fikshan. Dis meenz seh dat yu stoari kyaahn bee jos wahn stoari fi pikni.
  • Plos, ih impoatant dat yu noh don poblish yu shaat stoari sohnweh els aredi.

Fain owt moa infamayshan ahn bowt aal di roolz ahn how fi sen een yu Kriol shaat stoari da:

Brought to you by the:

Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.

The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.

Check back weekly for new articles.