Yoo Ga Di Powa!

Wi staat 2018 di wish evribadi loan gud ting! Now memba seh dat da yoo hoo ga di powa fi help mek tingz gud er bad eena 2018. Fos ting fi du da fi dash weh di ting dehn weh di mes op yu laif. Neks ting da noh fi beks wid nobadi. Den memba seh dat wahn gud main beta wen ih deh eena wahn gud badi. Soh eksasaiz moa eena 2018. Ih noh hafu bi no big ting... jos chrai geh bowt 30 minits bowt 3 tu 5 taim evri week. Now, mee da no eksasaiz ekspert, bot aal di ting dehn Ah reed seh dat da bowt 150 minitz a week yu need fi eksasiaz fi at lees help yu helt kip op. Pahn tap a dehnya ting, wi need fi kip wi hows kleen, ahn dis help geh rid a di klota eena wi main! Pahn tap, wi noa seh wi ga werk fi du, soh wi werk haad but geh nof res tu. Plos, faamli impoatant, fu shoar, soh memba fi spen moa taim wid yu faamli. Maybi da noh yu blod faamli, bot sohnbadi mos deh yu ku heng wid. Chek it owt. Ahn wat da di bigis ting fi 2018? Da fi gi tanks tu Faada Gaad evriday. Yu mos ku fain sohnting fi tank Faada Gaad fa evriday!

 

Hapi Nyoo Yaa, ahn mek 2018 di yaa yu du da wan ting yu doz aalwayz seh yu wahn du ahn weh yu reeli waahn du! Soh da taim fi du it! Weh yu di wayt fa? Git op ahn du it... Staat NOW!.

 



Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.


Latest Posts