Split Beenz Soop da Baas!

Weh Yu Need:


1 pong split beenz (split peez)
1 pong pitayta, peel it
1 pong koako, peel it
1 smaal kyabij
1 meedyom oanyan
1 meedyom sweet pepa 
2 teespoon saal
½ teespoon blak pepa
1 teespoon taim er 3 fresh taim leef
2 plog gyaalik
1 pong pigtayl (er smoak terki nek er leg)
1 pak kuknat milk poada
*domplin

How fu mek it:


Kuk di split beenz eena wahn krak pat fi oavanait, er bail it pahn di stoav tap
sotay ih saaf [Split beenz (split peez) noh tek lang laik red beenz fi saafn!].
Soak di pigtayl oavanait, den chroa aaf da waata ahn bail it sotay ih saaf. Dais
op di pitayta, di koako, di kyabij, di oanyon, ahn di sweet pepa ahn bail dehn
eena wahn nada pat. Ad een di split beenz ahn di saaf pigtayl. Ad een aala di
seeznin dehn. Put een di kuknat milk poada ahn domplin* ahn ster it gud.

* Fi mek domplin, si Maach 22, 2019 resipee rait ya eena The Reporter er pahn
www.belmopancityonline.com. (Yu ku ad wahn 8 onks pak a makaroani insteda domplin)

 


Dis soop gud fi mek wen yu bizi … sayka di split
beenz noh tek soh lang fi saafn laik red beenz!

 

Silvaana Udz, Ed.D da fahn Bileez. If yu waahn tel shee bowt sohnting speshal fu put eena dis Kriol
aatikl, eemayl: sudz142@gmail.com          Vizit: www.nationalkriolcouncil.org

 

 



Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.


Latest Posts

Fyooneral Betsi
Aana Yu Ma
Intafayrin Betsi
Eesta Sondeh 2019
Eesta 2019 di Kohn!
Oapn Paki … Taak tu mi!
Split Beenz Soop da Baas!
See all