Big nyooz! Soon soon di Kriol-Inglish verzhan a di buklet Di Mangro Dehn wahn deh owt! Dis da wahn ejukayshanal poblikayshan a Mareen Kansavayshan widowt Boadaz. Dis da wahn groop weh di promoat fi tek kyaa a wi mangro dehn ahn mareen laif. Di Inglish edita dehn da R. Wayne Van Devender, Grazzia Maria Matamoros Erazo, Sarah Zurhellen PhD, David Thomson PhD & Robert C. Thigpen. Di Kriol edita dehn da Paul and Cynthia Crosbie, Ken Decker Ph.D., Yvette Herrera, Myrna Manzanares, ahn Silvaana Udz Ed.D. Ih ga pichaz, ahn dehnya jraa bai Madison Hetzel. Dis projek staat yaaz abak, laik 10 yaaz abak, ahn da Robby Thigpen da di mayn mareen saiyentis pahn dis projek. Di buklet deh eena 5 difrant langwij, ahn Kriol da wan!
Di mayn ting wi waahn da fu teech how fu tek kyaa a wi mareen chrezhaz. Wee tink seh dat ejukayshan beta wen ih deh eena wi difrant langwij dehn. Difrant speekaz ga difrant needz. Dis mek wai wi di reech peepl eena di langwij weh dehn lov op ahn taak eena di hows. Dis mek sens sayka weh wi rekonaiz seh dat wi difrant reedaz da don paat a how gud wi tek kyaa a wi mareen laif, soh ih mek sens wi taak dairek dairek tu dehn eena dehn oan langwij.
Di intenshan a dehnya buklet da fu mek di teecha ga wahn baysik gaid fu mek ih kantinyu ron ih klaas dehn gud gud-wan. Plos, eena di buk, wit el di teecha dehn weh yooz it noh frayd fu chaynj op dis ahn dat fu bes soot fu yu oan klaas. Mek shoar evribadi ga fi dehn oan kapi.
Evri payj ga wah shaat lesn wid di sayhn infamayshan rait eena Kriol ahn eena Inglish. Yu ku chooz fu teech wan langwij er di ada er di 2 langwij dehn if dat soot fu yoo teechin stail ahn prefrens.
Soh luk owt fi moa infamayshan pahn dis eena 2018... soon soon!