Nyoo Link fi di “Revalooshan”

Bowt too aatikl abak, wi mi tel unu bowt wahn websait weh yu ku reed eena Kriol bowt wai wee hyooman waak stan op. Di toari nayhn “Di Oprait Revalooshan: Er Wai Hyoomanz Waak Oprait.” Ih chranslayt eena moa dan 80 langwij. Da Bileezyan raita Ivory Kelly mi du di mayja chanslayshan fi Bileez Kriol afta shee mi bok op wid di faymos raita Ngũgĩ wa Thiong’o. Hihn da aalso wahn kolcha man hoo bileev eena di rait eena ih mada tong, wichin fu seh, ih oan langwij. Soh ih sen di Inglish chranslayshan tu adarels pipl fi chranslayt intu fi dehn oan langwij. Aal di chranslayshan a “The Upright Revolution: Or Why Humans Walk Upright” dehn pahn di websait nayhn Jalada websait. Laas taim, wi mi gi unu wahn lee teez a di toari, di fos paragraf, and di websait link: https://jaladaafrica.org/?s=kriol Bot az Ivory sins sojes tu mi, beta yu geh di dairek link tu di Kriol sekshan. Di Jalada websait goh tu wahn tara payj fos, den yu hafu klik fi geh di langwij link weh yoo waahn. Soh, fi mek yu geh tu di Bileez Kriol sekshan kwik-faas-ahn hori, dis da di dairek link:

 

https://jaladaafrica.org/2019/12/06/di-oprait-revalooshan-er-wai-hyoomanz-waak-oprait/

 

“…………………………….Han ahn fut mi kaal wananada fos kozn. 
Dehn doz help wananada kehr di badi eniway paat ih waahn goh: maakit, shap, op ahn dong chree ahn mongtin, eniway weh di badi mi need fi goh. Eevn eena waata dehn doz werk tugeda gud-wan fi help di badi float, swim er daiv. Dehn mi demokratik ahn chreet wananada eekwal. Plos deh kuda mi baro tingz weh di ada aagan dehn mek, like song fahn mowt, hearin fahn ayz, smel fahn noaz, ahn eevn sait fahn di aiy dehn.” 

 

Dat da di sekan paragraf Di hoal ting tek bowt 9 minitz fi reed if yu ku reed Bileez Kriol faas—lee langa if yu jos di laan fi reed ahn rait Bileez Kriol!
 



Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.


Latest Posts