Novemba 19, 2021

HAPI GARIFUNA SETLMENT DAY tu aal a BILEEZ!

Wi mi fos yooz dis resipee eena Novemba 2012 fi di Kriol kalinda. Den wi mi bring it bak eena wi 2016 Garifuna Setlment Day aatikl. Tudeh, afta nof pipl tel wi seh dehn di chrai geh helti wid disya koroanavairos stil di gi wi schres, wi disaid fi shyaa agen. Fish da sohnting Bileez ga, ahn fish helti helti. Soh, if dis 2021 Garifuna Setlment Day ga yu jos di sidong hoahn sayka wi kyaahn di goh bowt tu moch sayka koroanavairos, yu ku chrai mek wahn nais nais fish soop!


FISH SOOP

Yu need: 1 Joo fish hed, er eni fish weh yoo waahn

1 pong pitayta
meedyom karats
½ pong okro
4 plog gyaalik
½ teespoon blak pepa
1-1½ kwaat waata
3 big kolanchro leef 		1 pong yaamz
1 meedyom oanyan
1 meedyom tomayto
3 abanayro pepa
1-2 pak kuknat milk poada
2 teespoon seezn saal 		1 ½ pong kasaava
1 meedyom sweet pepa
½ teespoon taim

How fi mek it

Peel ahn wash di grong food ahn di karats, ahn dais dehn op. Put dehn eena wahn pat wid wan kwaat a waata ahn bail sotay dehn saaf. Dais op di vejitablz; ad dehn, lang wid di okro, sohn brong flowa, di tomayto, ahn di seeznin. Den you put een di kuknat milk, di abanayro pepa ahn di kolanchro leef ahn bail dehn sotay saaf. Set di fish pahn tap a di vejitablz soh mek ih noh brok op. Mek ih bail fi wahn neks 5- 10 minits. Kot aaf di stoav. [If yu noa how, mek matilda fut ahn domplin tu!] Dis soop goh gud wid haad bail plaantin ahn wait rais.


Download PDF


Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.


Latest Posts