Moa Bowt Kristyan Myoozik eena Kriol fi Help Mek Laif Gud

Too week abak, wi mi shyaa wid unu sohn a di nais, nyoo myoozik di Jehoava Witnisiz
di du eena lata difrant langwij. Bileez Kriol da wan a dehnya langwi.  Mista James Jopson,
hoo wi tank fi kip wi op-tu-dayt, seh dat op tu now, di Jehoava Witnisiz websait ga moa dan
11 nyoo sang, ahn lata adrels infamayshan ahn lesn eena Kriol bowt how fi bi hapi eena dis
laif. Wid di myoozik, yu ku lisn tu dehn er wach di myoozik veedyo dehn pahn:

https://www.jw.org/bzj/poblikayshanz-kriol/myoozik-sang-kriol/wi-orijinal-sang-dehn-kriol/           
    Er yu ku aalso yooz dis neks websait: https://tv.jw.org/#bzj/categories/VODMusicVideos

                                        Sohn a di sang dehn da dehnya:
Preshos Daata    
Wahn Pa wach wail ih lee gyal groa op an laan fi lov ahn serv Jehoava pahn ih oan.
Weh Moa Impoatant
Wi need fi tek owt di taim fi weh moa impoatant—pryaa, stodi, ahn gaadli divoashan.
Reeli in Lov
Wen Jehoava eena yu marij ih wahn moa schrang!
Wahn Plays Weh Wahn Prayz Gaad
Da wahn privilij fi dedikayt wahn plays a wership tu hihn soh dat ih grayt naym geh prayz.
Ai Ku Pen Pahn Yoo
Wen wi reed ahn meditayt pahn Gaad Werd ih ku help wi fi servaiv di prablemz eena laif.
Ah Di Mek Wahn Chaynj
Weh chaynjiz yoo ku mek fi du moa eena di minischri?
Mai Gaad Deh Wid Mi
Wen Jehoava deh wid wi, wi wahn neva deh pahn wi oan!
Dis Famili Da Lov
Nobadi eena dis werl help owt wan anada laik how Jehoava peepl dehn help owt wan anada.


 
Pahn tap, az yu sing ahn reed lang, yu wahn di laan fi reed
ahn rait wi priti priti Bileez Kriol langwij.

Silvaana Udz, Ed.D da fahn Bileez. If yu waahn tel shee bowt sohnting speshal fu put eena dis Kriol
aatikl, eemayl: sudz142@gmail.com          Vizit: www.nationalkriolcouncil.org


Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.


Latest Posts

Fyooneral Betsi
Aana Yu Ma
Intafayrin Betsi
Eesta Sondeh 2019
Eesta 2019 di Kohn!
Oapn Paki … Taak tu mi!
Split Beenz Soop da Baas!
See all