Krismos di kohn mi fren! Krismos... don deh ya! Taim fi stap veks op wid pipl!
Taim fi shyaa ahn fi memba dat Jeezas da di reezn fi di seezn! Tudeh, wi di shyaa
sohn a di ting dehn weh oal-taim Bileez peepl doz laik du rong Krismos taim,
ahn weh lata wi stil kantinyu du tudeh day!
1. Yu maali don chaynj? Taim fi put dong nyoo wan. If yu ga ud
floa…den taim now fi palish op yu floa!
2. How yu hows owtsaid ahn eensaid luk? Paynt op di plays fi
Krismos …eevn if yu di “put paynt pahn oal boad” laik di layt
Mista George Gabb doz seh!
3. How bowt yu hoal hows? Yu don kleen op gud gud-wan?
Wash dong dehn doti waal ahn screen! Palish op yu priti priti
boad fernicha!
4. Bai now, fi shoar yu don soak yu froot dehn fi mek blak froot
kayk ahn wait froot kayk …lait kayk! Soh…staat bayk!
5. Gif fi yu fren ahn faamli? Bai er mek gif fi dehn!
6. Daans op di brok dong! Akaadyan, gitaar…lee
jromz….brokdong! Ahn jomp tu jankunu pahn tap!
7. Moas impoatant: Prayz Gaad ahn tank Faada Gaad fi Krismos.
MERI KRISMOS 2018!
Silvaana Udz, Ed.D da fahn Bileez. If yu waahn tel shee bowt sohnting speshal fu put eena dis Kriol
aatikl, eemayl: [email protected] Vizit: www.nationalkriolcouncil.org