Oapn Paki … Taak tu mi!


Wi mis yu bad bad bad, gyal … moa dan yu uda
eva noa. Res wid Faada Gaad.  Jeezas seh:
Wen yu taiyad a keri yu hevi load, kohn ya
kohn res.

Baan:  Febiweri 24, 1948
Wayk op ded: Maach 29,2019 

 

Rosalie T. Staines

Moas ting wi aal memba-how loyal Rosalie Therese Staines mi loyal tu aal ih
bizniz klaiyent, tu aal ih fren ahn kompni, ahn tu wi byootiful Bileez. Wat da-mi
fi yoo kaaz eena laif bikom fi shee kaaz tu. Wid di Bileez Kriol spelin, Rosalie mi
soh loyal dat shee disaid fi shee rayjo/TV shoa had tu mi help promoat dis tu.
Soh shee noh mi oanli nayhn di shoa “Oapn Paki,” bot shee mi aalso mek shoar
ih spel it eena di karek Kriol spelin. Pahn tap, Rosalie mi rait sohn Kriol aatikl fahn
taim tu taim fi dis Weh Wi Ga Fi Seh” eena di REPORTER nyoozpaypa. Dis week,
dis spays aana shee. Nof taim, di teem a ih aatikl da-mi bowt di tel man fi stap
nak op uman ahn fi rispek uman. Aiiiii…gyal, wi soh prowd a yu, ahn aal weh yu
du fi promoat soh moch ting bowt kolcha ahn Bileez sosaiyiti.  

Oapn Paki gaahn lang. Sotay wi meet agen, gyal…
 

Silvaana Udz, Ed.D da fahn Bileez. If yu waahn tel shee bowt sohnting speshal fu put eena dis Kriol
aatikl, eemayl: sudz142@gmail.com          Vizit: www.nationalkriolcouncil.org



Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.


Latest Posts