Oal Testiment eena Kriol?

Wi ga gud gud nyooz! Now, andastan dat da jos wahn pasibiliti. Notn sertn yet. Bot unu
noa seh dat di Baibl eena Kriol da wahn big big ting.  Bak eena Maach 2013, di Nyoo Testiment
eena Kriol mi geh poblish, afta lata yaaz a chranslayshan werk ahn lata advais fahn paastaman
ahn uman eena Bileez. Plos di gud gud help a Wycliffe ahn Faith Comes By Hearing, Belize
Bible Society, ahn di Bible Society of the Wets Indies weh geh di hoal ting op. Wel, eena
Janiweri, Wycliffe Caribbean ahn di Seed Company, plos adaz pul tugeda nof Baibl peepl fahn
rong di Kyaribeeyan fi kansida if wi ku staat wahn chranslayshan a di Oal Testiment tu! Fahn
Bileez, di hed Baibl chranslayta, Yvette, mi gaahn reprizent wi. Dehn mi ga peepl fahn: Jimayka
(Jamaica), Grinayda (Grenada), San Anjres (San Andrés), Gahyaana (Guyana), Anteegwa
(Antigua), St. Vinsint (St. Vincent), ahn Bileez (Belize). Dehn diskos bowt feedbak tu di Nyoo
Testiment, bowt weh Kriol lichrasi deh eena di konchri dehn, ahn how fi staat tink bowt
chranslayt di Oal Testiment, langsaid wahn werkshap bowt Heebroo (Hebrew) chranslayshan.

(L)Yvette Herrera, Belize  (C) Edith Oladele,  Antigua   (R) Gill Peterson, 
     Grenada, da di Baibl chranslayshan kanfrens, Janiweri 9, 2019



 bowt sohnting speshal fu put eena dis Kriol
aatikl, eemayl: sudz142@gmail.com          Vizit: www.nationalkriolcouncil.org



Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.