Mareen Kansavayshan eena Kriol

https://marinefrontiers.org/digital-library/#Kriol/English



Bak eena Janiweri 2018, wi mi teez unu wid di nyooz dat soon di Kriol-Inglish verzhan a di
buklet Di Mangro Dehn wahn deh owt! YES! Ih redi now! Pahn lain! Fi free! Dis da wahn
ejukayshanal poblikayshan a Mareen Kansavayshan widowtn Boadaz. Da Robby Thigpen da
di mayn mareen saiyantis pahn dis projek. Di buklet deh eena 5 difrant langwij, ahn Kriol da
wan! Fi moa dan 10 yaaz now, Robby ahn di Bileez Kriol langwij paat a di Nashanal Kriol Kongsl
di werk pahn dis. Di ada langwij dehn da Garifuna, Maya, ahn Spanish, wid Inglish langsaid.
Wee tink seh dat ejukayshan beta wen ih deh eena wi difrant langwij dehn. Evri payj ga wah
shaat lesn wid di sayhn infamayshan eena Kriol ahn eena Inglish. Plos, if yu waahn reed moa
infamayshan eena Inglish bowt aal dis, chek owt dis link tu wahn aatikl wid bakgrong
infamayshan bowt di mareen kansavayshan projek ahn Robby Thigpin kanekshan tu Bileez.

Dis deh eena Langscape Magazine, Vol. 7,  July 25, 2018. Di aatikl rait bai Thomas Dean King.

Dairek link tu it da:
https://medium.com/langscape-magazine/a-new-approach-to-bilingual-marine-conservation-science-education-the-collaborative-work-of-50a0812eb9a3   
Memba: FREE dijital laibri wid di 5 langwij dehn da dis websait, ahn jos skroal
dong fi pik di langwij yoo waahn: https://marinefrontiers.org/digital-library/


Silvaana Udz, Ed.D da fahn Bileez. If yu waahn tel shee bowt sohnting speshal fu put eena dis Kriol aatikl,
eemayl: [email protected]          Vizit: www.nationalkriolcouncil.org



Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.


Latest Posts