[Fahn di Kriol-Inglish dikshineri]
ignarant adj. hot-tempered. Noh fool wid da man kaa ih ignarant bad. Don't bother with that man because he's very hot-tempered.
ignarantnis n. hot temper, unreasonable anger. Da loan ignarantnis mek hihn laik faiya lik aata pipl wen ih geh beks. It's only because of his hot temper that he likes to throw punches at people when he gets mad.
ignoar v. ignore. Ah mi di chrai taak wid mi hozban, bot ih jos ignoar mi. I was trying to talk with my husband, but he completely ignored me.
ih pro. he, she, it. (3rd person sg.subjective) Verna seh ih waahn goh pahn di chrip, bot ih noh ga no moni. Verna said she wants to go on the trip, but she doesn't have any money. See: hihn, shee. — pro.adj. his, her, it. Jaaj bring ih kamara. George brought his camera.
ihself pro. himself, herself, itself. Di krayzi man kot op ihself wid shaap stoan. The crazy man cut himself with sharp stones.
ilebm (var: ilevn) num. eleven. Peeta mi di taak wid di ada ilebm apaasl dehn. Peter was talking with the other eleven apostles.
Inglan n. England. Pati seh wen ih gaahn da Inglan, ih geh fi si weh di kween liv. Patty said that when she went to England, she got to see where the queen lives.
Inglish n. English. Eena fi wee konchri Bileez, wi taak Kriol, Inglish, Garifuna, Maya, ahn lata ada langwij! In our country Belize, we talk Kriol, English, Garifuna, Maya, and many other languages.