Di Leta x = ks eena Kriol Spelin

1. Tudeh wi rimain unu seh dat eena di Kriol spelin sistim, no leta “x” deh. Wi rait di leta “x” wid “ks.” Da “ks” da di song weh mi mek wen wi di seh di leta “x” ahn sins di Kriol raitn sistim bays moasli pahn how ih song—bot askaadin tu sohn roolz, da “ks” mek di song a “x.” Chek owt dehnya werd weh maita gi yu chrobl fu spel eena Kriol, sayka if da oanli Inglish yu noa fu rait, yu maita waahn chransfa datideh sistim wen yu di laan fu reed ahn rait Kriol. Noatis: Laik wid di werd “askance” ahn di werd “buxom” eena Inglish, memba seh dat Kriol da wahn neks langwij—da noh Inglish, eevn if ih shyaa lata werd wid Inglish. Soh, wid lata werd, yu uda noh seh it eena Kriol di way ih deh eena Inglish. Da wahn hoal neks way!

 

English Kriol
ask aks
askance (to look askance) kot  aiy
box baks
buxom nais badi
casket kyaskit, chis, sayf, kaafn
excite eksait
exclusive loan, soasoh/soaso
excuse ekskyooz
exhausted nak owt
extend lang owt, schrech
extra ekschra, braata
next neks
vex beks

Laan fi reed ahn rait Kriol tudeh!

 

Silvaana Udz, Ed.D da fahn Bileez. If yu waahn tel shee bowt sohnting speshal fu put eena dis Kriol aatikl, eemayl: [email protected]  or Vizit: www.nationalkriolcouncil.org



Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.


Latest Posts