Bileez eena Taiwan 2018 da Bileez Embasi fi Indipendans!

Pahn Satideh, Septemba 22, 2018, di Bileez Embasi eena Taiwan mi ga nais bashment fi di
Bileez styoodent ahn Bileezhans weh di stodi er werk eena Taiwan. Ih mi gud gud gud! Plos
da neva jos jalifikayshan! Evri yaa dehn gat it fi salibrayt Bileez 10t ahn 21s Septemba, ahn
Ambasada Diane Haylock bigin tingz di rimain evribadi bowt di meenin ahn wi hischri. Den,
now chradishan fi Ambasada Haylock, evribadi tek paat eena di maach rong di room wid Bileez
flag! Den nof nais nais food ahn myoozik! Plos dis yaa, Ambasada Haylock mi gi di Bileez
styoodent komiti ful laisin fi put tugeda wahn lee gaym, ahn dehn du wahn “Weh Yoo Noa”
bowt Bileez hischri gaym weh di stooydent dehn kuda win praiz! Ih mi soh gud gud gud!

 

​​​​​​
Douglas Aspinall, PhD Bioteknalaji
styoodent da NCHU, Taichung


L-R: Jasmine Brown-Kidd, Fos Sekriteri; HE   
Diane Haylock
;, Ambasada; Ivy Lu, Eksek. Sekriteri
 


Leon Garbutt, 2018 styoodent, 
Envairanment, da NCU, Zhongli
 


 L-R: Intanashanal Rilayshans, da Ming Chuan
University, Taipei: Aurel Lewis, Lilibeth Gumbs,
Leandra Flowers

 

Silvaana Udz, Ed.D da fahn Bileez. If yu waahn tel shee bowt sohnting speshal fu put eena dis Kriol
aatikl, eemayl: [email protected]          Vizit: www.nationalkriolcouncil.org



Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.