Bileez Jaz Myzoozik eena Taiwan


Brokdong Jaz ... Punta Jaz
Marimba Jaz! ... Spanish Jaz
Klasik Jaz tu … Dehn mi gud gud!

Omolewa Osain da weh di jaz groop fahn Bileez nayhn! Ban leeda Carlos Perrote eksplayn di nayhn kohn fahn di Yoruba langwij a Wes Afrika. Ih meen “schrang schrang main” er eena Inglish da “Powerful Mind.” Di ban membaz hoo mi deh eena Taiwan: Carlos Perrote, Lynn Young, Benoit Coye, Herschel Armstrong, ahn Elsworth Castillo.

        

Abov: Lynn Young  da Taipei press kanfrens; di ban da Taipei rayjo stayshan  RTI;  Herschel da Da’an Paak

 


Di Bileez Embasi eena Taiwan mi invait Omolewa Osain fi tek paat eena di Taipei
Jaz Myoozik Festival. Ambasa H.E. Diane Haylock mi chreet dehn gud gud! Tanks tu di
Central American Trade Office hoo mi help wid di chrip. Di ban mi tek paat eena
kansert, gi werkshap, taak tu skool, gaahn pahn Taiwan rayjo stayshan, ahn play da wahn
jaz naitklob, nayhn Smeky’s. Lata Bileezhan styoodent eena Taiwan mi gaahn si dehn
prifaam da Da’an Paak eena Taipei pahn Satideh, Aktoaba 27, 2018.
Hapi GARIFUNA SETLMENT DAY 2018 tu aal a BILEEZ!

 

Silvaana Udz, Ed.D. da fahn Bileez. Ih di teech/risaach eena Taiwan fu now, ahn di laan lee Mandarin.
If yu waahn shyaa sohnting, eemayl: [email protected]   Vizit: www.nationalkriolcouncil.org

 

 

 



Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.


Latest Posts